Layihə haqqında

“Şəhərdən Kəndə” layihəsi Kənd Təsərrüfatı Nazirliyinin tabeliyində olan “Aqrar Tədarük və Təchizat” ASC tərəfindən Kənd Təsərrüfatı Nazirliyi, Ekologiya və Təbii Sərvətlər Nazirliyi və Dövlət Turizm Agentliyi ilə birgə Azərbaycanda aqroekoturizmin inkişafı istiqamətində həyata keçirilən sosial layihədir.

Layihənin məqsədi:
- Kənd turizmini inkişaf etdirmək
- Kəndli-fermerlər üçün əlavə gəlir mənbələri və məhsullarını yerindəcə gəlirə çevirmə imkanı yaratmaq
- Şəhər sakinlərinə fərqli istirahət təqdim etmək
- Turistlərin kənd həyatı, mədəniyyəti və adət-ənənələri ilə daha yaxından tanış olmasını təşkil etmək

Layihənin fermerlər üçün faydaları:
- Aqroturizmlə bağlı təlimlərdə iştirak
- Bilik və bacarıqların artırılması
- Layihəyə qoşulan fermer təsərrüfatları abadlaşdırılması
- Layihəyə qoşulan təsərrüfatlara texniki və avadanlıq dəstəyi
- Yeni fəaliyyət sahəsi və əlavə gəlir imkanı
- İstehsal edilən məhsulların yerində satış imkanı

Layihənin turistlər üçün faydaları:
- Kənd təsərrüfatının müxtəlif sahələri ilə tanışlıq
- Kənd evlərinə, təsərrüfat sahələrinə və emal müəssisələrinə səyahət
- Mövsümi olaraq kənd təsərrüfatı məhsullarının yığımında iştirak
- Təbii kənd təsərrüfatı məhsulları ilə qidalanma
- Şəhər mühitindən uzaqlaşmaqla kənd həyatının üstünlüklərini kəşf etmək

Aqroturların təşkili zamanı “Aqrar Tədarük və Təchizat” ASC müxtəlif tur şirkətləri ilə əməkdaşlıq edir. Səfər ediləcək təsərrüfatların tapılması, qiymətləndirilməsi və inkişaf etdirilməsi “Aqrar Tədarük və Təchizat” ASC tərəfindən, turların təşkili zamanı nəqliyyat və bələdçi dəstəyinin göstərilməsi isə tur şirkətləri tərəfindən həyata keçirilir.